Uniform vun den Landgendarmen Georg Woisin

• üm 1880

In dat Fürstentum Ratzborg hebben twei Landridder den Poliziedeinst makt. Se hüüren tau de Distrikts-Husaren un passen up, dat de Füerverordnungen inhollen warden, sei maken Exekutionen un schmieten frömde Bettellüüd ut dat Land rut.

De nieg inricht‘e Lannespolizei kriggt de Uniform vun de Husaren. So sallen sei vun de Lüüd beter respektiert warden. Üm 1800 sünd de Husaren bekannt un de Lüüd hebben Respekt, oewer ok Bang vör ehr. Vun den 1. Mai bet tau den 30. September ward de Jack (Dolman) dragen, vun den 1.Oktober bet 30. April de Pelz ut schwattet Lammfell. Tau ehr Paradeuniform drägen sei den Pelz oewer de linksche Schuller schmäten.

Up‘n Kopp drägen sei vun 1870 an ‘n rodet Käppi, wat‘ beten moderner utsüht. In‘n Deinst is doroewer ‘n Wassdaukoewertrecker, de dat vör Schaden bewohren sall. Disse staatsche un schmucke Uniform blifft bet Oktober 1905 so. Denn nähmen sei sick bi de prüß‘schen Uniform ‘n Oogenspeigel.