Politik

Üm 1200 nähmen de mäkelborgschen Lannesherrn väl Land in un maken dat tau ehr eigen. De slawischen Stämm, de bet tau de Tied dat Seggen harden, süllen nu kein‘ Recht miehr up dat Land hebben. Nu fangt ein Stried üm de Macht an: De Hansestädte, de lütten Eddellüüd un de Geistlichen strieden dorüm, wegge dat Seggen hett. De Reformatschion, de 30-jährig‘ Krieg (1618–1648) un de Dalgang vun de Hanse gäben de Eddellüüd, de dat Land ehr eigen nömen, ümmer miehr Kraasch. So kümmt dat 1523 tau de Landständischen Union un ward 1755 in den Lannesgrundgesetzlich' Arw-Utgliek fastschräben. Disse Macht besteiht so bet 1918 hen.

De Demokratie in Mäkelborg-Schwerin un Mäkelborg-Strelitz höllt bet 1933. Denn regiert de Rieksstattholler un schlütt de beiden Länner tausamen. 1945 träd nah de Besettung dörch de Rode Armee de SED de Macht an, wat bet 1989 höllt. Nah de „Revolutschion in Fräden“ ward 1990 dat Land Mäkelborg-Vörpommern grünnt un ein Landdag regiert, de demokrat‘sch wählt is.

Dat grote Strieden dorüm, wegger dat Seggen hett, fangt all an as sei bi 1200 rüm de Slawen ünnerkrägen harden un Fürsten sick de Territorien updeilt harden. De Hansestädte, de Lütteddellüüd un de Kirchenlüüd kabbeln sick mit de Fürsten üm denn Influss. Ut de pommerschen Herzög‘ warden Territorialfürsten, oewer sei warden ümmer mückriger, je miehr sick de Macht in ehre Dynastie twäält. De Eddellüüd, de Land hebben, kriegen dörch de Reformatschion, denn Dörtigjöhrigen Krieg (1618–1648) un denn Dalgang vun de Hanse ümmer miehr Knööf. 1637 starwt dat Herzogshuus u tun dat Land geiht an Brandenborg un Schweden. 1815 gifft Schweden allens an Prüßen af. Pommern ward so ‘ne Provinz vun de Prüßen.

1945 gifft de Rode Armee, de dat Land besett harr, de Herrschaft an de SED wieder, wegge sei bet 1989 behöllt. Nah de friedlich‘ Revolutschion ward dorut 1990 dat Land Mäkelborg-Vörpommern. Ein demokrat’sch wählten Landdag makt nu de Regierungen.