Ünnerwägens in de Tieden vun Mäkelborg un Vörpommern

(Wähl di 'n Utstellungsstück orrer 'ne Tied ut.)

Tau dit Projekt

Strand bi Ahrenshoop, Postkort üm 1900 rüm

De Geschicht vun Mälkelborg un Vörpommern hett siet dat Middelöller nich väl mit’n anner tau daun hatt, as dat de beiden Lannesdeile dicht bi’n anner lägen hebben. Ierst ah 1945 sünd Mäkelborg un Vörpommern tausamenkamen un -wussen. Oewer ganz un gor is dat so ok nich wohr.

In dit Virtuelle Lannesmuseum Mäkelborg-Vörpommern ward disse besünnere Geschicht nu vertellt. Dorför giwwt dat hier besünnere Exponate ut üm un bi 50 Museen, de privat sünd, kommunal orrer de dat Land tauhüüren.

Dit Museum hett all de Vördeile, de dat Internet tau beiden hett un kann de Exponaten virtuell wiesen. Miehr as de Hälft vun de 400 Stücken kann’n sick von fiern un dicht bekieken orrer üm sick sülfst dreihen laten.

So kann’n sick bannig genau mit allens befaten, wat de Lannesgeschicht(en) tau beiden hett (hebben) an besünnere Tüüchnisse ut de Tieden. Dat makt jedein Minschen orrer Profis Freud‘ bi dat niegelige Rümmeschnükern wat tau finnen un dat helpt, gauden Ünnerricht tau maken. Gifft natürlich ok anner Grünnen, hier ‘n bäten rümtaukieken.

Dat Virtuelle Lannesmuseum is ein Projekt, wat de Stiftung Mäkelborg (Schwerin) un de Museumsverband Mäkelborg-Vörpommern e.V. (Rostock) tausamen makt hebben. An denn 4. Dezember 2014 is dat as Virtuelles Museum Mäkelborg losgahn un siet denn 13. Mai 2018 is hier dat heile Bunnesland Mäkelborg-Vörpommern binnen.

Uns Museen

Infobox-Grafik: Maschinenfabrik Klingebiel © Peter Lück

Uns Schriewers

Symbolfoto: Historische Schreibmaschine