Klippkraug mit’n Deckel

• Meister Gottespfennig, Rostock 18. Johrhunnert, 25 cm hoch

1714 ward Hans Conrad Gottespfennig as Meister in dat Rostocker Amt vun de Tinngeiter upnahmen. Dat is klor, dat de Soehn dat Handwark vun‘n Vadder oewernimmt. Sien jüngst‘ Soehn, Johan Christian, geiht 1740 bi sien Vadder in de Liehr un makt 1746 sien Meisterstück. In de Linie vun de Meisters kamen denn 1747 Benjamin Heinrich Gottespfennig, 1788 Joachim Daniel Gottespfennig un 1832 C. Gottespfennig. Twüschen 1590 un 1862 warden in Rostock 45 Meisters as Tinngeiter nömt.
1982 hett de Stiftung Mäkelborg de Kann ut ‘ne private Lübecker Sammlung köfft.