• Thema: Handwark un Industrie

Handwark un Industrie

Lütt Architekturstück in Schwerin üm 1925 Lütt Architekturstück in Schwerin üm 1925

Lannesdeil Mäkelborg

Dat Handwark, dat in Gillen organisiert is, un de Hannel sünd bet tau dat 19. Johrhunnert dorvon bestimmt, dat tau Huus verköfft ward. De Produkten ut de Landwirtschaft warden oewer ok in’t Utland verköfft. Nah de industriellen Revolutschion un nahdem de Schranken för de Gillen 1870 uphaben sünd, ward ok extra för dat Utland produziert. Schippsbuug un Iesenbahnbuug un ok de Produktschion vun anner Fohrtüüg siedelt sick in Wismar, Schwerin, Güstrow un Rostock an. Allens wat mit dat Verarbeiten vun Metall tau daun hett, finnt sick in Teterow un Neustadt-Glewe. In de ierst Hälft vun dat 20. Johrhunnert fangt in Mäkelborg ok dat Buugen vun Fleigers an.

In de DDR-Tied bringen sei de Industrie för de Seefohrt, dat Buugen vun Maschinen un dat Verarbeiten vun allens, wat’n Äten kann, vöran.

Nah 1990 warden dat Buugen vun Schäpen un dat Verarbeiten vun Nahrung wiederführt. Dortau kümmt ‘ne gaadlige Industrie, de de annern wat tauliefern deit.

vörwards
Spielkartenfabrik Stralsund Sortiersaal Stralsunner Spälkortenfabrik, üm 1900

Lannesdeil Vörpommern

De inländ‘sche Markt bestimmt bet tau dat 19. Johrhunnert denn Hannel un dat Handwark, dat in Gillen organisiert is. In‘t Utland verköfft ward allens, wat ut de Landwirtschaft rutkümmt. Dat för den Verkoop in‘t Utland produziert ward, fangt ierst 1870 an, as de Vörschriften vun de Gillen uphaben wiern. Disse Produktschion is an ierste Städ in Stettin tau finnen. Schippsbuug un Buug vun Schienen- un Stratenfohrtüüch grünnen sik in Stettin, Barth un Stralsund. In Torgelow geiht dat los mit dat Verarbeiten vun Metall. Ok de Frömdenverkiehr fangt vun 1900 an, sik för de Lüüd an de Ostseeküst tau lohnen. In de ierst Hälft vun dat 20. Johrhunnert fangt dat Buugen vun Fleigers sik an tau entwickeln.

In de DDR ward inn Nuurden de maritime Industrie, de Maschinenbuug un de Wirtschaft fördert, de allens tau Äten un Drinken maken deit. Disse Deil vun de Wirtschaft un de Schippsbuug warden ok nah 1990 vöranbröcht. Dortau kümmt ‘ne mittelstänn‘sch Industrie vun Lüüd, de dorför tauliefern daun.

vörwards

Utstellungsstücken tau dat Thema Handwark un Industrie:

(Wähl di 'n Utstellungsstück orrer 'ne Tied ut.)