Ierdöl-Proow

• VEB Ierdgaserkunnung Grimmen ut de Struktur Reinkenhagen un Grimmen,
  250–300 Millionen Johren,
  Proow vun 1965, 15 cm hoch

De Proow in den Erlmeyerkolben hett de VEB Ierdöl- un Ierdgaserkunnung Grimmen 1987 dat frisch upmakte Heimatmuseum schenkt.

1960 fangt de VEB Kombinat Ierdöl- Ierdgas Gommern, Erkunnungsbetrieb Ludwigslust, in den Kreis Grimmen an, mit Erfolg nah Ierdöl un Ierdgas tau säuken. An den 1. Oktober 1962 ward de VEB Ierdöl- un Ierdgaserkunnung Grimmen grünnt. De Grund is, dat sei in Reinkenhagen bi Grimmen dat ierste Ierdöl in den Nuurden vun de DDR funnen hebben.

De Ierdschichten un de Stein, wo dat ierdöl in is, sünd meist Zechstein un Rotliggende 2500 bet 3500 Meter deip.

Ierdöl ensteiht ut Mikroorganismen, de fröher in dat Seewater un up den Seegrund läwt hebben un in den Schlick in legen. Ohn Luft, ünner hohgen Druck un hohge Temperaturen sinkt dat ümmer deiper in un dor billen sick Kahlenwaterstoffe (Ierdöl un Ierdgas). De verschieden Ierdöle seihn gäl ut as Bernstein orrer bruun orrer schwatt. Dat Öl is flüssig as Water orrer ok as Liem orrer sogor fast.

Weil sick hier disse Industrie ansiedelt hett, kamen ümmer miehr MInschen in de Kreisstadt Grimmen dortau. Twei niege Stadtdeile, Schaulen, Kulturhüüser un Sportstäden warden buugt. 1986 hett de Stadt 15.000 Inwahners. As dat Ierdöl ümmer weniger ward un de Pries up den Weltmarkt dal geiht, ward an den 30. Juni 1996 de Förderung instellt. 2001 ward de Betrieb ganz un gor afschafft.