Kunst un Buugkunst 1500 bet 1550

In de Kunstzentren vun Europa hett sick dat bannig wiederentwickelt, blot in Mäkelborg arbeiten sei ümmer noch mit de Formen ut de laate Gotik, de sick gornich verännert hebben. Dat sick dat ännert un Formen vun de Renaissance sick dörchsetten, ward ut Italien un Holland anstött. Dat ward bi’n Schlottbuug för de Fürsten anwenn’t.

Philipp vun Pommern-Wolgast lött siene Residenzen nah de niege Mod‘ vun de Renaissance ümbuugen. 1546 buugen sei in Ueckemünn ‘ne staatsche Schlottanlaach mit drei Etaaschen. Vier Schlottgebüüchd stahn üm einen Schlotthof ‘rüm. De Schlotttorm, up denn baben ‘n hoger Spitzhelm upsitt‘, is all vun Wieden tau seihn un so ‘ne niege Landmark wurden.