Afbildbüste Friedrich Griese

• Prof. C. Rhein, Afbildbüste Friedrich Griese, Bronze 1943, 55 cm hoch

Friedrich Griese (1890-1975) is in de ierste Hälft‘ vun dat 20. Johrhunnert de Schriewersmann mit dat gröttst Bedüden in Mäkelborg. Vun 1935 an wahnt hei in Parchim un lött sick dor ‘n Huus buugen. Hei schrifft Geschichten un Romane in ‘ne dägte, klore Sprak un schrifft oewer de Minschen un ehr Verbinnung mit ehr Land un de Natur mit all dat Up un Dal, wat dat dorbi gäben kann. Siene Literatur steiht ünner den Influss vun skandinavisch‘ Schriewer, so as Knut Hamsun un Selma Lagerlöf.

De Nationalsozialisten maken em tau‘n „Blut- und Boden-Dichter“, as sei dat nömen. Man, disse Ideologie bringt hei gornich tau‘n Utdruck. Nahdem hei inspunnt wier, haugt hei 1947 af in den Westen.