Religion 1400 bet 1450

Bischopssitz Warin üm 1440 Bischopssitz Warin üm 1440

Lannesdeil Mäkelborg

De Ablasshannel, dat œwermastig‘ Läben vun de, de in de Kirch wat tau Seggen hebben un dat de Kirch gluupsch gägen de is, de wat anners meinen orrer denken, makt de Lüüd bang, oewer sei willen sick dat ok nich gefallen laten un sick tau Wehr setten.

Stralsund, Neuer Markt, vor Nr. 14, Gedenkstein Papenbrand (2012-02-27), by_Klugschnacker in Wikipedia 530 Denkstein in dat Plaster up den Niegen Markt in Stralsund tau Errinern an den "Papenbrand thom Sunde" 1407 (© Klugschnacker via Wikimedia Commons [CC BY-SA 3.0])

Lannesdeil Vörpommern

De Hannel mit Ablass, dat dickdaunsche Läben vun de Kirchenlüüd un ok Gewalt hollen de Inwahners up de ein Siet in Bang, man up de anner Siet hebben sei œwer ümmer miehr de Schnut vull un seggen dat ok ümmer luuder. 1407 kümmt dat dortau, dat de boebelste Kirchenherr vun Stralsund Kord Bonow mit ‘ne Haue vun siene Lüüd as Röwerslüüd lostrecken un de Landwirtschaften rund üm Stralsund utplünnern. So willen sei ehre Kirchenkass dickfaudern. Ein Dag later setten de Stralsunner Börgers ‘ne grote Trupp vun Kirchenlüüd fast un willen sei up denn Scheiterhupen setten. As ein poor Ratsherren de Lüüd beten tau Rauh krägen harden, hebben sei drei Pasters rutsöcht un de denn verbrennt. Dordörch keem dat tau ein Kirchenbann œwer de Stadt.