Politik 1800 bet 1850

De russisch‘ Oberst Tettenborn 1813 in Luwigslust De russisch‘ Oberst Tettenborn 1813 in Luwigslust

Lannesdeil Mäkelborg

1806 ward Mäkelborg dörch Französ‘sche Truppen besett‘. 1813 träden de iersten mäkelborg‘schen Fürsten ut den Rheinbund vun Napoloen un siene Lüüd ut. Up den Wiener Kongreß 1815 kriggt Mäkelborg-Schwerin twei Stimmen in de Bunnesversammlung vun den düütschen Bund un Mäkelborg-Stelitz ein‘ Stimm. In de Binnenpolitik is tau seihn, dat de Stänn‘herrschaft sick wedder erhalen deit. De Justiz ward reformiert. Dat Boebelste Apellationsgericht för de beiden Länner ensteiht 1818 in Parchim. 1840 ward dat nah Rostock henverleggt.

Bet 1840 setten sick in 16 Städte liberale Stadtverfatungen dörch. Dat, wat de Revolutschion 1848/49 reformieren wull, wüür 1850 mit den „Freienwalder Schiedsspruch“ wedder ganz un gor taunicht makt.

vörwards
Richard Knötel, Ferdinand von Schill Richard Knötel: Ferdinand von Schill

Lannesdeil Vörpommern

König Gustav IV. Adolf nimmt 1806 de landstännsche Verfatung trüch un makt Schwed’sch-Pommern tau ein Provinz vun dat Riek. Hei hett de Vörstellung vun einen Staat, in denn Eddellüd, Kirchenlüüd, Börger un Buern tausamen in denn Landdag sitten. Dortau kümmt dat nich, wiel 1807 Napoleon dat Land an sick rieten deit.

1806 besett Napoleon Prüß’sch-Pommern. Bi einen Upstand ward 1809 Ferdinand vun Schill in Stralsund dotschaten. Vun 1812 an trecken sick in Pommern de Truppen vun Napoleon tausamen, üm gägen Russland tau trecken.

Up denn Wiener Kongress ward Prüßen 1815 mit "Besitzergreifungspatent" ok Schwed’sch-Pommern tauschlahn. De Provinz Pommern ward för dat Regieren updeilt in Stettin, Köslin un Niegvörpommern.

Dörch allens, wat so in Prüßen passieren deit, kümmt dat in Pommern 1848 dat ierste Mal tau friee un allgemeine Wahlen för dat pommersch Parlament un tau de Nationalversammlung. För Maximilian Graf vun Schwerin-Putzar ward dat tau ein Upsprung un hei ward 1848 püß’scher Kultusminister un later denn Innenminister.

vörwards

Utstellungsstücken tau dat Thema Politik:

(Wähl di 'n Utstellungsstück orrer 'ne Tied ut.)