Politik 1500 bet 1550

Malchin: <br> hier dröppt sick de Landständ‘sche Union <br> vun 1523 an Malchin:
hier dröppt sick de Landständ‘sche Union
vun 1523 an

Lannesdeil Mäkelborg

De Lüüd wennen sick miehr un miehr gägen de kathol‘sche Kirch. In de Städte loopen de Lüüd ümmer öfter tau Preisters, de de niegen Liehren vun Luther verträden un de ok nich miehr up Latiensch, sünnern up Düütsch prädigen daun. De Herzög kieken disse Bewägung tauierst gnittschääwsch an, oewer sei maken ok nix dorgägen.

Vogelschau auf Stettin von Braun und Hogenberg 1580 Vagelschau up Stettin vun Braun un Hogenberg 1580

Lannesdeil Vörpommern

In Stettin, Griepswold, Stolp, Kolbarg un Stargard kümmt dat tau Upstänn‘, de gägen de Eddellüdd angüngen, de allein in denn Rat vun de Städten dat Seggen harden.

1529 warden sick Pommern un Bramborg einig oewer de Fraach vun de Lehnshoheit. 1530 up denn Rieksdag in Augsburg erkennt de Kaiser de Pommernherzög as Fürsten an, de unmittelbor tau dat Riek tauhüüren un beleihnt ehr offiziell.

1532 ward dat Land updeilt in Pommern-Wolgast un Pommern-Stettin. De ständisch Landdag oewer blifft tausamen.

Utstellungsstücken tau dat Thema Politik:

(Wähl di 'n Utstellungsstück orrer 'ne Tied ut.)