Läbensoort 1800 bet 1850

Börgerfamilie, Sternberg 1836 Börgerfamilie, Sternberg 1836

Lannesdeil Mäkelborg

In de Franzosentied (1806–1813) breiden sick Glücksspäl, Prostitutschion un Verbräken bannig ut. Dat gifft Tüügnisse vun Röverbanden ut Tarnow, Boizenburg, Grabow, Neustadt/ Glewe orrer Parchim. In’n Harwst 1811 is an’n Häwen ein Komet tau seihn un de Landlüüd spökenkiekern dorœwer, dat dat tau dit Unheil passen deit un de Lüüd fäuhlen sick nich säker. Up de anner Siet will’n de Lüüd nah de Befreiung kultiviert läben un wahnen un sick wollfäuhlen un dat Biedermeier suert dorbi rut.

Lauterbach, Badehaus Goor Badhuus Goor in Lauterbach
up de Insel Rügen

Lannesdeil Vörpommern

Glücksspäl, Ümgang mit Huren un Straftaten nähmen in de Franzosentied (1806–1813) bannig tau. De wohrhaftige Läbensgeschicht vun Johann Woyzeck, dat Vörbild för Georg Büchners Drama Woyzeck, hett ehre Wöddeln in Stralsund un Stettin. Woyzeck, de sozial kein Halt miehr finnt nah ein Soldatenläben, ward tau’n Mürder.

In Pommern vermegelieren sick de Nationalitäten: Gaetano Medini ut Mailand friegt ‘ne Schwedin, kriegt Börgerrecht in Stralsund un oewernimmt 1811 de Wirtschaft vun de "Stralsunner Ressource-Gesellschaft", de ‘n geselligen Verein vun wirschaftlich sülfststännig Mannslüüd is. In de Tied vun’t Biedermeier leggt de börgerlich Wahnkultur ümmer miehr Wiert dorup, dat de Lüüd sick wollfäuhlen.

Nahdem sei sick an Prüßen anschlaten hebben, ward väl ünnernahmen, de Lüüd ut de "truurigsten Provinz vun Prüßen" tau integrieren.

De Minschen versäuken in Waterkünst un -heilanstalten gesund tau warden, so as de vun Gustav Wilhelm Scharlau in Stettin. De Oberforstmeister Georg vun Bülow buugt in Heringsdörp ‘nb Logierhuus un ward so de Grünner vun denn kaiserlichen Badeuurt. "Heringsdörp" dissen Uurtsnamen hett sick de Kronprinz Friedrich Wilhelm 1920 utdacht.

vörwards

Utstellungsstücken tau dat Thema Läbensoort:

(Wähl di 'n Utstellungsstück orrer 'ne Tied ut.)