Kunst un Buugkunst 1900 bet 1950

Billjett, makt vun Egon Tschirch üm 1920 Billjett, makt vun Egon Tschirch üm 1920

Lannesdeil Mäkelborg

Ernst Barlach is de bedüdenst‘ Künstler, de siene wichtigsten Warke in Güstrow schaffen ded. Oewer ‘ne mäkelborg‘sch Schaul vun de Moderne ward dor nich vun.

De Schlötter Schwerin un Niegenstrelitz warden nah de Revolutschion vun 1918 tau Museen. 1930 tuuscht Schwerin 1300 ha Land ut Staatseigentum gägen ‘n groten Deil vun de grotherzoglich‘ Utstattung vun de Schlötter. Anner Städte grünnen niege Heimatmuseen. Heimatvereins grünnen sick un gäben sick börgerlich un konservativ.

Ünner de Nationalsozialisten hett Barlach Utstellungs- un Berufsverbot, so as ok anner Künstler, de de Nationalsozialisten "entartet" nömen. Den Volkskundler Richard Wossidlo nähmen de Nationalsozialisten för sick in. Siene Sammlungen gäben sei 1937 in‘t Schlott Schwerin ein "Buernmuseum".

Nah den Krieg maken de Kinos, Theater un Museen up Odder vun de SMA wedder up. De „Kulturbund“ reglementiert twors, oewer liekers laten sei de Idee vun humanistische Vereins wedder upläben. Verlustig geiht dat Museum männigein Kunstwark, wägen de russisch‘ "Trophäenkommischion". De Theater spälen nu Klassik un sowjetische Theaterstücken. Vun 1946 an führt de Landfilm oewer de Dörper un makt Kino. 1947 sünd 150 Bibliotheken mellt‘.

vörwards
„Abendsonne vom Hohen Ufer“, Ölgemälde von Paul Müller-Kaempff, um 1900 "Abendsünn an dat Hohge Äuwer",
Ölbild vun Paul Müller-Kaempff, üm 1900

Lannesdeil Vörpommern

In de Ostseebäder ensteiht de Pensionsbuugwies. Dor warden verschieden Neostile vermengeliert un denn nömt sik dat "Bäderarchitektur“. Jede Wahnung för Bad‘gäst hett ‘n Balkon orrer ‘ne Veranda.

Dörch Upsiedlung un Updeilung besünners in dat Regierungsflach Köslin warden in de Dörpers niege Oorten vun Hüser buugt.

Gerhart Hauptmann hett up de Insel Hiddensee ‘n Sommerhus. Clara Arnheim un Henni Lehmann grünnen 1922 denn "Hiddenseeschen Bund för Künstlerfrugens“, de in de "Blage Schüün“ Biller utstellt. 1924 makt dat "Museum för Niegvörpommern un Rügen“ siene Puurten in dat Stralsunner Karharinenkloster up.

Künstler, de as "ut de Oort schlahn“ titeliert warden un ok jüdisch‘ Malers, kriegen vun de Nationalsozialisten Verbot tau malen. Erna Raabe un Käthe Loewenthal kœnen för ‘ne Tiet bi de Gräfin Hertha tau Schwerin in Schmuggerow ünnerkamen.

Nah den Krieg maken de Kinos, Theater un Museen wedder up. De Sammlungen vun dat Museum Stettin sünd in Kiel inlagert. De "Kulturbund" reglementiert twors, oewer liekers laten sei de Idee vun humanistische Vereins wedder upläben. Dat Theater in Griepswold spält nu Klassik un sowjetische Theaterstücken. Vun 1946 an führt de Landfilm oewer de Dörper un makt Kino. 1947 sünd 150 Bibliotheken mellt‘.

vörwards

Utstellungsstücken tau dat Thema Kunst un Buugkunst:

(Wähl di 'n Utstellungsstück orrer 'ne Tied ut.)