Kunst un Buugkunst 1800 bet 1850

Reuter in Niegenbramborg, <br> Bild malt vun Johann Bahr Reuter in Niegenbramborg,
Bild malt vun Johann Bahr

Lannesdeil Mäkelborg

De Buugkunst wiest tauierst in‘n Klassizismus, dat sei de Antike veriehrt. Later is denn tau seihn, dat nieggotische Tudorvörbiller nahbuugt warden un denn nimmt sei dat up, wat in‘t Middelöller buugt wüür. Georg Adolph Demmler is de Buugmeister vun de niege Regierungsgägend in Schwerin.
De Kunstvereins, de 1840 in Schwerin un 1841 in Rostock grünnt sünd, moegen de holländ‘sche Kunst ut dat 17. un 18. Johrhunnert.
In de Literatur besinnt‘n sick up regionale Themen. De vördersten Verträder in Mäkelborg sünd John Brinckman un Fritz Reuter. De Literatur kiehrt de Ideen vun de Upklärung so‘n beten de Rüch‘ tau.

Unterhaltungsblatt für beide Mecklenburg und Pommern Ünnerhollungsbladd för beid‘ Mäkelborg un för Pommern

Lannesdeil Vörpommern

De bedüdensten Maler vun de nuurddütsche Romatik, de künstlerisch ganz un gor eigen wier, kamen ut Vörpommern: Caspar David Friedrich ut Griepswold un Philipp Otto Runge ut Wolgast.

In de Literatur besinnen sei sik up dat Flach, wo sei läben, un nich miehr so up de heile Welt, as dat tau Tieden vun de Upklärung Mod‘ wier. De wichtigst Verträder vun de nedderdüütschen Literatur is ok in Vörpommern de Mäkelbörger Fritz Reuter.

In de Buugkunst is dat Niegste de Utbuug vun de Stadtmitt‘ in Putbus (de Cirkus) un dat Bad‘hus in Lauterbach/Goor. Vun 1810 bet 1825 buugen sei dat allens up de klassizistisch‘ Oort. Twüschen 1838 bet 1852 kümmt dat Jagdschlott in Granitz dortau, wat sik de Tudorgotik un Karl Friedrich Schinkel tau‘n Oogenspeigel nahmen hett.

Utstellungsstücken tau dat Thema Kunst un Buugkunst:

(Wähl di 'n Utstellungsstück orrer 'ne Tied ut.)