Kunst un Buugkunst 1700 bet 1750

Schlott Niegenstrelitz 1732 Schlott Niegenstrelitz 1732

Lannesdeil Mäkelborg

Christian Ludwig II. (1683­–1756) grünn‘t in Schwerin de Kunstsammlung, de binah so bet hüüt noch besteiht. Väle bekannte Künstlers warden nah Schwerin an den Hoff treckt. In Niegenstrelitz planen un buugen sei ‘ne niege Residenzstadt. Dat sall warden as ‘ne Sünn mit acht Strahlen un an’t Enn vun ein Strahl süht’n dat Allerbest: dat staatsche Schlott.

Heinrichsruh Wandmalerei Wandbild ut de Barocktied in dat Schlott Heinrichsruh

Lannesdeil Vörpommern

Stralsund un Stettin buugen de Schweden tau ehre Hauptfestungen ut. Schanzen vör de Stadtduure maken de Ümfatung ganz un gor anners utseihn. 1746 ward de Kommandantur ann Ollen Markt in Stralsund inricht. Tau de Tiet kriecht de Universität in Griepswold ‘n nieget, staatschet Hauptgebüüchd. In Putbus ward dat Grafen-Schlott grötter makt. För Barth stift‘ de König 1733 ‘n Frolleinstift för Eddelfrolleins, wat vun ünnen bet baben nah de Barockmod‘ buugt is.

De Eddellüd up‘n Land kriegen miehr Kraasch, as 1720 Prüß‘sch-Pommern afschnäden ward. In Karlsburg buugt de Familie vun Bohlen 1732 ein vun de bedüdenst Barockschlötter.

Utstellungsstücken tau dat Thema Kunst un Buugkunst:

(Wähl di 'n Utstellungsstück orrer 'ne Tied ut.)