Forschen un liehrn 1700 bet 1750

"Wissenschaftlich‘ Bericht" oewer‘n Pultergeist 1722

Lannesdeil Mäkelborg

De Latienschaul verwannelt sick in ‘ne düütsche Börgerschaul, de Düütsch liehrt as Sprak vun de Avkaten, vun de protestantisch‘ Kirch un vun‘n Hannel. De Upsicht oewer disse Schaulen hebben de Kirch un Stadtamtsmänner. De Lannesherr möt de Schaulordnungen taustimmen. Bi de miehrsten Lüüd besteiht de Billung ut Oewergloben un dat wat klauke un künnige Lüüd seggen.

Christian Wilhelm Haken Christian Benjamin Glassbach Christian Wilhelm Haken (1723 – 1791), Pfarrer un Pommernhistoriker

Lannesdeil Vörpommern

De Latiensch-Schaul ward tau de protestantisch‘ Börgerschaul, wo Düütsch as Sprak vun de Kanzleien, vun de protestantisch Kirch un vun denn Hannel liehrt ward.

Twüschen 1720 un 1740 warden 80 schwed’sche Studenten bi de Griepswolder Universität inschräben. Sei willen ünner de gauden Ümstänn, de sei dor finnen, ehren akademischen Afschluss maken. Up de anner Siet wannern ok Lüüd ut de Wätenschap af nah Schweden hen. 1747-1750 ward för de Universität ‘n nieget Haupthuus buugt.