Forschen un liehrn 1650 bet 1700

Auditorium magnum in Rostock <br> üm 1700 Auditorium magnum in Rostock
üm 1700

Lannesdeil Mäkelborg

In‘t Schaulwäsen in de Städten blifft allens bi‘n Ollen in de beiden Herzogtümer. De Stadtschaulen hebben nich naug Plätz‘ un dorum grünnen sick private Winkelschaulen un Schaulen för Döchter. Nah den Dörtigjöhrigen Krieg geiht de Bedüdung vun de Universität Rostock bannig trüch un sei hebben nich miehr väle Studenten.

Reste des Giebelschmucks des Carolinum Stettin Rest vun den Gäwelschmucks vun dat Carolinum in Stettin 1667

Lannesdeil Vörpommern

De schwed‘sche Herrschaft bringt de Universität Griepswold mit bannig väl Geld vöran. Sei ward so tau ‘ne Brüch för Kultur un Wätenschap dwars œwer de Ostsee. 1667 makt dat Pädagogium in Stettin de Dören tau, weil nich miehr naug Lüüd dor wat liehren willen. Dorför ward dor dat Regnum Gymnasium Carolinum grünnt.

In‘t Schaulwäsen in de Städten blifft allens bi‘n Ollen. De Stadtschaulen hebben nich naug Plätz‘ un dorum grünnen sick private Winkelschaulen un Schaulen för Döchter.

Twüschen 1692 un 1698 vermäten sei Schwed’sch-Pommern ganz un gor akkrat un nah de Geometrie. De „Schwed’sche Matrikel“ is ‘ne ingenieurtechnisch Pioniertat un dat ierste modern Kataster in dat düütsche Riek.