Forschen un liehrn 1550 bet 1600

Domschaul in Güstrow üm 1560 Domschaul in Güstrow üm 1560

Lannesdeil Mäkelborg

Nah de Reformatschion steiht in de Kirchenordnung vun 1552 ok ‘ne Schaulordnung binnen. De Städt‘ möten Knabenschaulen inrichten. Dat Seggen hebben dor de Rektoren, de ok vun Theologie Ahnung hebben möten.
An de Universität in Rostock warden 1563 dörch de „Formula concordiae“ de Liehrstäuhl updeilt in wegg, de vun de Stadt betahlt warden un de annern, de vun den Fürsten betahlt warden. Woans de Studenten wat bibröcht ward, ward modernisiert.

martikeleintrag_bernhard_von_behr Matrikeleintrag vun Bernhard von Behr an de Universität Greifswald vun 1556/57. Quelle: www.digitale-bibliothek-mv.de

Lannesdeil Vörpommern

An denn Eddelhoff vun binah jedein gröttere Stadt gräunen un bläuhen Wätenschap un Kunst. In Stettin (1569) un Griepswold (1581) un Barth (1582) warden Druckerien buugt. De Barther Bibel vun 1588 hett 170 in Holt schnäden Biller, de so schmuck sünd, dat klor ward, wat för einen hogen Stand de Kunst hier hett.

Johannes Bugenhagen sett sick in siene Kirchenordnung nah de Reformatschion ok dorför in, dat ok Dierns tau Schaul gahn sallen.  Mit de Trivial- un Schriefschaulen blifft allens so bi.