Forschen un liehrn 1450 bet 1500

Lektorium un auditorium magnum in Rostock üm 1500 Lektorium un auditorium magnum in Rostock üm 1500

Lannesdeil Mäkelborg

För de Soehns vun Handwarkslüüd in de Städt‘ an de See warden Schriefschaulen taulaten. Dor liehrn de Jungs ‘n bäten bäter läsen, schrieben un räken. De Soehns vun de armen Lüüd gahn tau Winkelschaulen, de ok Klippschaulen nömt warden. Sei liehren läsen, schrieben un Plattdüütsch.

Heinrich Rubenow um 1460 Heinrich Rubenow üm 1460, Börgermeister vun Greifswald un Grünner vun de Universität

Lannesdeil Vörpommern

As dat mit de de Hanse so richtig in Gang is, bringt de Börmeister vun Griepswold, Heinrich Rubenow, de sülfst in Rostock un Erfurt studiert harr, de Grünnung vun de Universität vöran. Hei ward denn ok de ierste Rektor. De Universität hett de klassischen Fakultäten in de juristischen, medizin’schen, geistlichen un ok artistischen Fäcker. De Geliehrtenschaulen in de grötteren Städten maken de Soehns vun de rieken Börger för de Universität trecht un bögen ehr allens un ok noch dat humanistisch Denken bi.