Dynastie 1300 bet 1350

Albrecht II. üm 1360 Albrecht II. üm 1360

Lannesdeil Mäkelborg

Heinrich de II. vun Mäkelborg – de „Löw“, as sei em nömen – hett sick 1317 dat Seggen ersträden oewer ein’n Deil vun Mäkelborg un oewer de Länner Stargard un 1323 denn ok noch oewer Rostock. 1348 belohnt de König Karl IV., de vun 1354 denn Kaiser wier, Albrecht II. un Johann I. dorför. Hei makt ehr tau Herzög‘ un Rieksfürsten.

Reitersiegel Otto I. Riddersiegel vun Herzog Otto I., 1302

Lannesdeil Vörpommern

Nah den Dod vun den Brauder Barnim II. (üm 1275–1294) ward Bogislaw IV. de Anfang vun den Twieg Pommern-Wolgast. Sien Brauder Otto I. (1279–1344) ward Herzog vun Pommern-Stettin. Hei lött sienen Soehn Barnim III. (vör 1300–1368) vun 1320 an bi dat Regieren mitmischen. De beiden warden ok Vormund för de minnerjöhrigen Kinner vun Bogislaw IV. Dornah gifft dat väle Johren Krieg mit Mäkelborg üm de Arfschaften.

Dynastie 1250 bet 1300

Dat Siegel vun den Herzog Heinrich vun Mäkelborg de Dat Siegel vun den Herzog Heinrich vun Mäkelborg de "Löw" vun 1300

Lannesdeil Mäkelborg

In de Johren 1298/99 föllt dat Land Stargard an Mäkelborg. Dat keem, wiel Heinrich de II. vun Mäkelborg – de „Löw“, as sei em nömen – Beatrix vun Brandenborg ut de Mark Brandenborg friegt. Dat Land is nahstens denn dat Fundament för dat Herzogtum Mäkelborg-Strelitz.

Siegel-Bogislaw IV. 1278 Siegel vun den
Herzog Bogislaw IV, 1278

Lannesdeil Vörpommern

Nah den Dod vun Barnim sienen Vetter, Wartislaw III. vun Pommern-Demmin (üm 1210–1264), geiht dat mit dissen Twieg vun de Familie nich wieder. Barnim I. regiert nu allein un hei schmitt de updeilten Herrschaften in Pommern tausamen. De Soehn Bogislaw IV. (vör 1278–1309) regiert dornah allein wieder, denn de annern beiden Bräuder sünd noch tau jung dortau.