Rehn‘sche Dracht ut de Gägend vun dat Fürstentum Ratzborg

üm 1900, Linnen, Wull

Wi weiten, dat de Lüüd tau‘n Anfang vun dat 20. Johrhunnert de Rehn‘sche Dracht in Mäkelborg antreckt hebben. De Frugenslüüd, de de schmucke Dracht tauletzt dragen hebben, wieren ut de Gägend vun dat Fürstentum Ratzborg un dat Amt Rehna, wat dicht dorbi leeg. In Grot Rünz wier Magdalena Lütjohann woll de letzt, de de Dracht  antreckt hett. Se leggt de Dracht oewer noch tau Läbenstied af. Blot dorüm hebben sick de Stücken vun de Abendmahldracht erhollen, wiel dei süss nämlich ok dat Dodenkleed west wieren. Nahdem Düütschland in twei Deile updeilt wier, wier dat för de Urenkeldochter ut Lübeck binah unmöglich, sick Stücken tau‘n Andenken an de Heimat mittaunähmen.

Blot de Dracht vun de Uroma schmuggelt sei Stück üm Stück in ehr Handtasch oewer de Grenz. So hett sei de Kleeder verwohrt. Nahdem de Dracht siehr fiegeliensch wedder uparbeit‘ is, is sei nu ümmer in de Utstellung vun dat Museum Schönbarg tau seihn.

vörwards

Text: O. B.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Volkskundemuseum Schönberger Land

Volkskundemuseum Schönberger Land

An der Kirche 8/9
23923 Schönberg

museumrz@aol.com

www.volkskundemuseum-schoenberg.de