Himmelsglobus

Willem Janszoon Blaeu, Amsterdam, nah 1621,
Holt, Missing, Papiermaché, Gips, Holtgestell mit Töller un Middelsüül, de ‘ne Führung för denn Meridianring hett, vier dresselte Süülen up Kugelfäut, dorup de Kimmkantenring mit Gradindeilung, Himmelsrichtungen, Dierkreisteiken un Kalenner; Meridianring mit 4x90° un Stunnenring ut Missing, ünner den Eridanus de Skala för de Helligkeit vun de Stierns, Sammlung Löwen,
Dörchmäter vun de Kugel: 35 cm

Dat STRALSUND MUSEUM hett ok wätenschaftlich Instrumenten sammelt. De Anfäng‘ vun disse Sammlung gahn trüch up dat, wat de schwed’sche Generalgouverneur Axel Graf vun Löwen (1686–1772) nahlaten hett.

Tau ein besünner Stück ut disse Sammlung hüürt disse Himmelsglobus, wat ok internatschional wat Besünners is. Hei is makt vun denn Kortographen un Verläger Willem Janszoon Blaeu (1571–1638). Hei stammt ut dat so nömte güllen Tiedöller vun de nedderlandschen Kortographie. De wichtigst Stadt wier dunn Amsterdam. Blaeu is ein Schäuler vun denn berühmten dänschen Astronomen Tycho Brahe (1546–1601). Up dissen Globus würdigt hei em dörch’n Afbild un ‘ne Widmung.

Bi de Stierns, de upmalt sünd, folgt de Kortograph dat, wat sein Liehrer Tycho Brahe uträkent harr. As dat tau de Tied Traditschion wier, sünd de Stiernbiller würklich as Biller upmalt. Ein anner Inschrift mit Afbild wiest denn nedderlandschen Politiker un Feldmarschall Johann Moritz Fürst vun Nassau-Siegen (1571–1638). Hei is ut dat wietlööpig Nassausche Fürstengeschlecht, vun wo ok dat Huus Oranien afstammt. Johann Moritz vun Nassau-Siegen is ein siehr gauden Politiker un Diplomaten un ok noch Buug-, Gorden un Landschaftsarchitekt.

vörwards

Text: R.N.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

STRALSUND MUSEUM

STRALSUND MUSEUM

Mönchstraße 25-28
18439 Stralsund


museum@stralsund.de

www.stralsund-museum.de