Dalmatik

Dalmatik, Stralsund, 14. Johrhunnert,
hett de Kalandsbrauderschaft an de Sankt Nikolaikirch tauhüürt

Fief Lampas (ut Sied wäwt) as boebelst Dauk, Middelasien orrer ut denn Nuurden vun China,
1. Hälft vun dat 14. Johrhunnert, 134 cm breit

För dit Kleed hett‘n fief verschieden Oorten gräunet Siedendauk ut Middelasien orrer ut den Nuurden vun China nahmen.

Dat meist vun dat Dauk hett güllen Ranken un verschieden Bläuden up. Dat Dauk, wat vörn för de Giren insett is, hett ‘n güllen Muster mit verschieden Farwen. Grode Palmetten un Schrift, de so utsüht as Chinesisch, wesseln sick af mit wellenoortige, nah baben henstiegend‘ Ranken mit Bläuden an. Dat Dauk, ut dat de vöddelste Arm neiht is, hett ‘n gulrodet Muster mit Lotuspalmetten un runne Rankenkringels, mit ein Vagel Phönix un lütte Blädder un Bläuden dormang.

Dat ünnelste Dauk hett up türkisgraün ‘n staatschet Muster mit Pagelunen up, Blädder un Bläuden up un denn noch Schrift, de so utsüht as Chinesisch.

De sünnerbore Indruck vun de güllen Muster in Ganzen kümmt vun de besünneren Lancierschot, de bi all dat Dauk ut dünne Striepen vun vergüll’ten Ledder makt sünd, wat ok Riemchenguld heit.

vörwards

Text: A.G.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

STRALSUND MUSEUM

STRALSUND MUSEUM

Mönchstraße 25-28
18439 Stralsund


museum@stralsund.de

www.stralsund-museum.de