Sammlung vun mäkelborgsche Siegels ut de Niegtied

Siegellack, 18./19. Johrhunnert

1987 oewernimmt de Stiftung Mäkelborg vun de Enkeldochter vun ein‘ privaten Sammler ‘ne bannig grote Sammlung vun Siegels. De Grotvadder sall de „Chefkoch“ vun Viktoria Luise (1892-1980) west sien. Sei wier de Dochter vun Kaiser Wilhelm II. un später wüür sei de Herzogin vun Braunschweig. Doch de Sammlung is all 1860 entstahn. Dat, wat in de Sammlung in is, wiest woll, dat de Grotvadder dat nich wissenschaftlich orrer dokumentarisch angahn hett.
Vun de bi 850 Stücken stammen dei miehrsten ut dat Grotherzogtum Mäkelborg-Schwerin un sei wiesen dat heele öffentlich‘ Läben in dat 18. un 19. Johrhunnert. Dor sünd ok Siegels vun Städt‘, Ämter, Versicherungen un Kirchen bi, oewer ok vun den Zoll un de Stüerbehörden.

In de Sammlung finnen sick anner Siegels vun öffentlich‘ un privaten Institutschionen un ok Zunftsiegels un 135 Siegels sünd vun mäkelborgsche Eddellüüd un ehre Familien. Ok noch dorbi sünd Siegels vun adelige Gerichten, wiel dat ja bet tau dat 20. Johrhunnert de Patrimonialgerichtsbarkeit in Mäkelborg geef, de de adligen Grundherren taustünn. Disse Siegels sünd in de Sammlung oewer dörchn’ein mit de städtische Siegels un de vun den Grotherzog, wat so nich stimmen deit. Mang de 40 fürstlichen un Staatssiegels sünd ok ein Drüttdeil Beglobigunsteiken vun mäkelborgsche Lannesherren.

vörwards

Text: C. RC./M. R.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Stiftung Mecklenburg

Stiftung Mecklenburg

Schliemannstaße 2
19053 Schwerin (Eingang zur Ausstellung: Puschkinstraße)

info@stiftungmecklenburg.de

www.stiftung-mecklenburg.de