Ernst Barlach

Gertrud Bergmann, lütte Figur, üm 1950, 39 cm hoch

De lütte Figur stellt Ernst Barlach dor un süht würklich nah em ut. Barlach steiht so up ein Foto vun 1935, wat in Güstrow vör de Gertrudenkapelle upnahmen is. Gertrud Bergmann (1910-1985) is in Schwerin buuren un in Güstrow upwussen. Dor is sei Ernst Barlach begägent un – so säd sei sülwst – wüür ok dordörch dortau andräben, Bildhaugerin tau warden.
Sei hett de lütte Figur nah den Tweiten Weltkrieg in Berlin makt. 1978 köfft de Stiftung Mäkelborg dit Wark un ok noch ‘ne Barlach-Medaille, de sei makt hett. Later köfft de Stiftung noch miehr Arbeiten vun Bergmann. 1982 ward sei iehrt mit ‘n Kulturpries, den de Landsmannschaft un de Stiftung Mäkelborg vergäben daun.

Text: M. R.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Stiftung Mecklenburg

Stiftung Mecklenburg

Schliemannstaße 2
19053 Schwerin (Eingang zur Ausstellung: Puschkinstraße)

info@stiftungmecklenburg.de

www.stiftung-mecklenburg.de