Teihn Pokals ut ein Service för Christian Ludwig II. vun Mäkelborg-Schwerin

Zechliner Glashütt‘, üm 1749, 18,5 bet 21,5 cm hoch

Herzog Christian Ludwig II. vun Mäkelborg-Schwerin (hett regiert: 1747-1756) hett up siene Tafel Gloes ut ein vun de besten Glashütten, de dat tau de Tied gäf, nämlich ut de Zechliner Hütt in’n Nuurdwesten vun Rheinsberg. De Glashütt hett sick up ehre fürstlichen Kunnen instellt un beschnackt de Dekore un de Wünsch vun ehr. Sei schnieden Monogramms, Wappen orrer Sprüch‘ up ehre siehr kloren Gloes. So sünd up de Pokalen dat Wappen vun’t Herzogtum un dortau noch de Kett‘ vun den dän’schen Elefantenorden tau seihn.

Up wegg vun de Gloes is ok de russisch‘ St. Andreasorden up. Dissen Orden hett de Herzog oewer ierst 12 Johren nah den Elefantenorden in dat Johr 1749 krägen. Dat wiest dorup hen, dat disse Gloes later dortau makt worden sünd. Dat kann angahn, dat af un tau ok mal Gloes entwei gahn sünd un denn wüür’n de frischen Gloes gliek up den niegsten Stand bröcht mit de aktuellen Ordens vun den Herzog.

vörwards

Text: AM. F.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Staatliches Museum Schwerin

Staatliches Museum Schwerin

Alter Garten 3
19055 Schwerin

www.museum-schwerin.de