Lütte Figur vun ein‘ Feldherrn

kann angahn, dat dat de jung‘ Nahfolger up den Thron vun Friedrich August II. (1682-1751) is, de denn later de Kurfürst vun Sachsen ward un ok as August III. König vun Polen bekannt is, Meißen, üm 1712, ward annahmen, dat dat Modell vun Benjamin Thomae (1682-1751) is, Böttger-Steintüüch, 16,1 cm hoch

De bannig fiene lütte Figur vun ein Feldherrn hüürt tau de tiedigsten Saken, de in de Potzlaanmanufaktur in Meißen, de 1710 grünnt is, makt sünd. Sei is ut dat rode Steintüüch, dat ok Böttger-Steintüüch nömt ward. Hüüt gifft dat so‘ne Saken nich miehr väl. 

De lütte Figur hett eins Emma Budge hüürt. Wiel de Sammlerin Jüdin wier, hebben sei un ehre Familie ok bannige Repressalien dörch de Nationalsozialisten uthollen mößt. So ward ehre Sammlung, de besünnere Saken enthöllt, 1937 in Berlin bi Paul Graupe/Hans W. Lange up ‘ne Auktschion verhökert. 2001 wüür de lütte Figur an de Jewish Claims Conference trüchgäben.

In miehrere Johren wüür uthannelt, dat dat Museum Schwerin sei as staatschet Exemplar för de Potzlaansammlung köpen kann. Hulpen hebben bi dissen Ankoop de Ernst-vun-Siemens-Kunststiftung, de Kulturstiftung vun de Länner, de HERMANN REEMTSMA STIFTUNG un de Rudolf-August-Oetker-Stiftung.

vörwards

Text: KA. M.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Staatliches Museum Schwerin

Staatliches Museum Schwerin

Alter Garten 3
19055 Schwerin

www.museum-schwerin.de