Berliner Tafelupsatz „Amor un Psyche“

Modells vun Johann Carl Friedrich Riese (1759-1834) nah Vörbiller vun Hans Christian Genelli (1763-1823), KPM Berlin, 1793-1798, Bisquitpotzlaan, Holt, Speigelglas, vergollt Bronz, anmalt, 176 cm lang

Dit staatsche Wark geiht trüüch bet up dat Johr 1793, as de Thronfolger Friedrich Wilhelm (III.) de Strelitz’sche Prinzessin Luise friegt un vun de Königlichen Potzlaanmanufaktur einen Tafelupsatz kriggt, wegge hüüt in dissen Tafelupsatz ein vun de Sieden is. De Modells dorför hett Johann Carl Friedrich Riese makt, kann angahn nah dat Vörbild vun den Architekten Hans Christian Genelli. Fief Johren later buugt Riese den Tafelupsatz tau siene Form, as sei hier tau seihn is, ut. Hei makt de Platt, de vörher blot einkeln wier, duwwelt un nimmt de för de Sieden. Dat Middelstück makt hei ganz un gor nieg.

Dit Kunstwark kümmt as königlich‘ Hochtiedsgeschenk nah Mäkelborg, as de Arwschaftsprinz Friedrich Ludwig vun Mäkelborg-Schwerin 1799 de russisch‘ Zarendochter Helene Paulowna friegen deit. Dat Schwerin’sche Exemplar hüürt tau de schoensten Stücken ut de Königlichen Berliner Potzlaanmanufaktur, de noch in ganzen tausamen erhollen sünd. Vun de Form un ok vun dat, wat dorstellt is, sett dit Stück all dat niege KPM-Konzept üm, wat sick an de Antike ‘n Ogenspeigel nimmt. De Figuren ut Bisquitpotzlaan seihn ut as antike Marmorfiguren un sünd ein Bispill för den Klassizismus, de sick nu all utbreid hett.

vörwards

Text: AM. F.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Staatliches Museum Schwerin

Staatliches Museum Schwerin

Alter Garten 3
19055 Schwerin

www.museum-schwerin.de