Wenneltrepp ut gaten Iesen

gaten Iesen, 1845,
Breit vun de Stufen: bi 95 cm

In denn Oktober 1845 hebben sei denn Inbuug vun ein Wenneltrepp ut gaten Iesen in dat Jagdschlott Granitz anfungen. Up de Achtersied vun de ünnelste Stuuf steiht "Oktober 1845" un de Ünnerschriften vun verschieden Handwarkslüüd. Karl Friedrich Schinkel hett denn Torm teikent un de Trepp kümmt ut de Berlin’sche Maschinenbuuganstalt un Iesengeiterie vun Franz Anton Egells. Twölf Podesten sünd an de Binnenwand vun denn Torm fastmakt un hollen de Lööp, de sick sülfst drägen. De Torm is massiv mit dicke Muern, œwer de Trepp ut 154 Stufen is dörchbraken vun verschieden Ornamenten, so dat sei dorgägen licht utsüht. Dat ward ierst dörch dat Material möglich makt: "All de Ornamenten, dörchbraken Arbeiten un Spitzen, de sick frie vun de Architektur afhäben, so dat sei tau Kronen warden, dörch die ein‘ dörchkieken kann, warden ut dat Metall up lichte Oort un Wies, un doch ok fast, herstellt." (Gautachten vun Karl Friedrich Schinkel oewer Zinkguss, 1840. De vun Schinkel för  Zinkguss nömten Vördeile vun dat Material kann’n ok up Iesengeiterie œwerdrägen)

De Spiraltrepp wiest de Kunst vun de prüß’schen Iesengeiterie un taugliek dat de Buugherr Fürst Wilhelm Malte I. tau Putbus nich vun gistern wier.

Text: A. H.

Veröffentlichung mit freundlicher Genehmigung des NDR Landesfunkhauses MV

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Staatliche Schlösser und Gärten Mecklenburg-Vorpommern - Jagdschloss Granitz

Staatliche Schlösser und Gärten Mecklenburg-Vorpommern - Jagdschloss Granitz

Postfach 1101
18609 Ostseebad Binz


jagdschloss-granitz@mv-schloesser.de

www.mv-schloesser.de