Stickbild "Madonna in de Warksstädendör"

Sied, Wull, Glas- un Metallparlen,
Stickerie in Krüzstick un ok Petit-Point,
Rahmen versülwert up ‘n Ünnergrund ut Kried mit Goldlack oewersträken,
1840 – 1850,
96,5 cm hoch

De "Madonna in de Warksstädendör"  un anner grote Stickbiller hüüren tau de originalen Utstattung vun dat Jagdschlott Granitz. De Fürstin Luise tau Putbus hett disse Biller in ehren Salon sülfst utstickt. Anner Lüüd hebben den Damensalon ok "bestickte Stuuf" nömt un de Handarbeiten vun de Fürstin so laaft. För disse Stickerieen, de väl Tied kost hebben, hett de Fürstin Vörlagen hatt. Dat wieren meist Reproduktschionen vun olle Meisters as Tizian orrer ok niegere ut dat 19. Johrhunnert. Dit is ein Vörlag vun ein Bild vun Eduard Karl Steinbrück (1832). Ok ut Bäuker un Balladen wüürn Stickvörlagen makt. De Handarbeiten in den bestickten Damensalon wieren so ok ein Teiken för Billung un Kunstverstand vun de Fürstin. Bet 1945 hüngen 26 utstickte Biller reihüm kort ünner de Deck in den Damensalon. As denn de Familie enteigent wüür, wieren de Biller wech. Keinein hett wüsst, wo sei sünd. Oewer in dat Textildepot vun de Stiftung Prüßens Schlötter un Gordens Berlin-Bramborg sünd nägen Stück funnen wuurn. Denn wüürn sei uparbeit‘ un 2012 an dat Land Mäkelborg-Vörpommern gäben. Vun de Tied an sünd sei in dat Jagdschlott Granitz wedder tau seihn.

Text: A. H.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Staatliche Schlösser und Gärten Mecklenburg-Vorpommern - Jagdschloss Granitz

Staatliche Schlösser und Gärten Mecklenburg-Vorpommern - Jagdschloss Granitz

Postfach 1101
18609 Ostseebad Binz


jagdschloss-granitz@mv-schloesser.de

www.mv-schloesser.de