Ahnengalerie Schlott Schwerin

1852–1856 inricht‘

As dat Schlott in‘t 19. Johrhunnert ümbuugt wüür, ensteiht de Ahnengalerie so, as sei noch hüüt tau seihn is. Mang vergoll‘te Süülen ut Zinkguss süht‘n 31 Fürstenafbiller. Wegg vun de sünd ganz un gor tau seihn, wegg blot half. Up den Wech nah‘n Thronsaal steiht ein‘ de  Geschlechteraffolg‘ vun all de Herzög vun Mäkelborg kumplettemang vör Oogen. Sei hebben regiert un den Stamm erhollen. Keinein vun de fählt dorbi. De Stammboom, de in Bronzetafeln inschnäden is, wiest, dat de Reihg vun de Ahnen trüch geiht bet tau den slawischen Obodritenbaas Niklot, de 1160 fallen is. Hei hett  de Dynastie dunntaumalen begrünnt‘. 

So, as dat tau de Tied normal wier, begrünnen de Fürsten mit Gott siene Gnad‘, dat sei dat Seggen hebben. Ok dorüm is dat Geschlecht ümmer egal weg an de Herrschaft.

De Hoffarchivar Christian Friedrich Lisch hett väle Johren söcht un forscht un dorüm koenen sei bi de Inrichtung vun de Galerie 19 Originalbiller vun de Mäkelborg‘schen Herzög un ehre Frugens uphangen. De annern Biller malt de Hoffmaler Theodor Fischer vun 1852-1856. Fischer kopiert vun öllere Vörlagen, de ok Lisch funnen hett, orrer malt Idealporträts.

vörwards

Text: R. We.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Schloss Schwerin

Schloss Schwerin

Lennéstraße 1
19053 Schwerin

www.mv-schloesser.de/de/location/schloss-schwerin/