Schippsmodell Dampschipp VORWÄRTS, ex GRETE CORDS (1903), ex JOHANN AHRENS (1926)

Maßstab 1:75, 102 cm lang, Modell buugt vun Günter Lettow, Rostock-Warnmünn

An’n 13. Oktober 1950 passiert in Stralsund wat tau’n Ogen maken: de Damper GRETE CORDS vun 1903 is binah 50 Johren olt, oewer ward as dat ierste Seeschipp vun de DDR wedder in’n Deinst stellt. De Damper wüür bi de Aktien-Gesellschaft „Neptun“ in de Schippswarft & Maschinenfabrik Rostock as Buug-Nummer 124 buugt. Nu kriggt dat Schipp den programmatischen Namen: VORWÄRTS. All 1954 ward hei wedder utmustert un is denn Lehrschiff vun de Pionierorganisation „Ernst Thälmann“ un liggt an‘ Kai.
In November 1950 dampt de VORWÄRTS up de ierste Reis mit 1000 Tunnen Stückgaud nah de UdSSR, nah Ventspils – hüüt liggt dat in Lettland.

De VORWÄRTS bewägt in de grad man 4 Johren, de sei führt, 90.000 Tunnen Fracht. Sei ward utmustert, as sei 1954 ‘n Schaden an den Kessel hett. De Reparaturkosten, de utrekent wüüren, sünd väl höhger as de Wiert, den dat Schipp noch hett. Dat Schipp tau verschrotten wull oewer de Partei nich. De VORWÄRTS möt as Teiken för de DDR-Schippfohrt erhollen blieben. So oewernimmt de Pionierorganisation „Ernst Thälmann“ dat Schipp för dat, wat sei willen. Bet 1988 liggt de VORWÄRTS in den Stadthaben vun Rostock un is ein Lehrschipp för de Jugend, de dor de iersten Saken liehren sallen, de ‘n Sandhasen oewer de Seefohrt weiten möt. Dat de VORWÄRTS in April 1989 in den Schtott gahn is, hett väle Lüüd nich passt un sei hebben bannig dorgägen protestiert.

vörwards

Text: P. DC.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Schifffahrtsmuseum Rostock

Schifffahrtsmuseum Rostock

IGA Rostock 2003 GmbH
Schmarl-Dorf 40
D - 18106 Rostock

www.schifffahrtsmuseum-rostock.de