Croy-Teppich

vun Peter Heymans in Stettin makt,
Bildwirkerie, 1554/1556,

690 cm breit

Herzog Ernst Bogislaw von croy arwt 1660 as letzt Nahfohren vun de Pommernherzög allens, wat de persönlich hüürt hett, so ok denn bannig groten Teppich ut de Tied vun Philipp I. vun Pommern-Wolgast (1532 – 1560). De Teppich wiest ein Bild, dat ‘n Bekennen tau de Reformatschion un Martin Luther as Baas vun ein Kirch, de sick up de Kraasch vun de Fürsten stütten deit. Dat Stück wiest ok de Fründschaft twüschen de Fürstenhüüser ut Sachsen un Pommern.

De beiden Fürstenhüüser sünd verwandt dörch de Hochtied vun Philipp mit Maria vun Sachsen, de ‘ne Dochter vun denn Kurfürsten Johann is, in dat Johr 1536 up Schlott Hartenfels.

In de Mitt steiht Luther. De Pommerschen Persönlichkeiten sünd: Herzog Georg I. (1491 – 1531), Soehn vun Bogislaw X. un der einzigst Katholik up denn Teppich; Herzog Barnim XI. (1501 – 1573); Herzog Philipp I. (1515 – 1560), Amalie vun de Pfalz (1490 – 1525), Mudder vun Philipp und Wief vun Georg; Anna vun Braunschweig-Lüneburg (1502 – 1568), Wief vun Barnim; Maria vun Sachsen (1516 – 1583), Wief vun Philipp und Halfsüster vun Johann Friedrich denn Grotmäudigen.

In de iertsen Reihg stahn de Kinner vun Philipp und Maria: Johann Friedrich (1542 – 1600), Bogislaw de XIII. (1544 – 1606), Ernst Ludwig (1545 – 1592), Amalie (1547 – 1580) un Barnim de XII. (1549 – 1603).

vörwards

Text: B.F.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Pommersches Landesmuseum

Pommersches Landesmuseum

Rakower Straße 9
17489 Greifswald

info@pommersches-landesmuseum.de

www.pommersches-landesmuseum.de