Kelch för dat Abendmahl ut de Stadtkirch St. Marien

Barth, üm 1540,
Sülwer vergollt, 19 cm hoch
(utleihnt vun de Ev. Kirchgemeind St. Marien Barth)

De Schaft un de Faut sünd’n Sösspass. Up den Schaft sünd oewer un ünner den Knaup dörchbraken Muster. Up den Nodus süht’n up vörkeeken Wörpelfeller in lütte Baukstaben den Namen vun de Gottesmudder "m a r i a".

De Faut sünd söss halwig Kreise up ein viegelienschet Ornamentband mit dörchbraken Ranken. Up einen vun disse halwen Kreise is ‘n lüttet Relief-Medaillon anbröcht, wo de Krüüzigung tau seihn is. Inschnäden sünd up den Faut Biller vun Jesus an dat Krüüz, de Apostel Paulus, Petrus un ok Johannes de Döper un ok de heilige Barbara. Disse Heilige wier in dat late Middelöller ok as Helpersch in de Not bekannt un ok as Bistand bi dat Starwen. Up de Ünnersiet vun den Faut sünd twei Namen inschnäden. Dat kann angahn, dat dat Teiken vun den Meister sünd, de dat Stück makt hett.

Text: J. P.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Niederdeutsches Bibelzentrum

Niederdeutsches Bibelzentrum

Sundische Straße 52
18356 Barth


Info@Bibelzentrum-Barth.de

www.bibelzentrum-barth.de