Kürass vun de Pasewalker Kürassiere un Helm

Missing un Stahlblick, üm 1840
(utleihnt, Kürass: Wehrgeschichtlich‘ Museum Rastatt, utleihnt Helm: Theo Haase)

Den Kürass hebben sei bi Paraden oewertreckt. Binnen is hei utkleid’t mit grow Linnen geiht un an de Sieden mit Ledderriemen tautaumaken. Ordensspangen, Ridderkrüüze un anner Medaillen orrer blots Bänner koenen an de Löcker vun dat Schuppenkerdenschlott fastmakt warden. Anners kunnten ok Spangen an de Ösen fastmakt warden, de up de Höch vun dat Schlott anlöt‘ wieren.

De Helm vun de Pasewalker Kürassiere is sülwern un dor steiht as Schmuck up: „Schlacht vun Hohenfriedberg 1745“. Nah disse Schlacht vun Hohenfriedberg bi Striegau is ok ein vun de bekanntesten düütschen Militärmarschmusiken nömt. De Nam sall erinnern an den Sieg an den 4. Juni 1745 vun de Prüßen oewer de Österrieker un Sassen, de in den Tweiten Schlesischen Krieg tausamenhöllen.

Twors bleef Pommern vun den Dörtigjöhrigen Krieg schont, man, sei mößten vun 1627 an mit ‘ne Besettung dörch de Kaiserlichen läben. Dat wüür tau ein Spältüüchs vun de Mächtigen un in de Tied dornah de Gägend in Düütschland, de dull ümwöltert wüür un wo de miehrsten Lüüd wechtreckten. 1720, an dat Enn vun den Nuurdischen Krieg, föllt Pasewalk tau Prüßen. Nu kümmt ‘ne Garnison in de Stadt un dat geiht ümmer wieder piel nah baben mit de Stadt. De Lüüd läben gaud vun dat Geld, wat sei för de Inquartierungen un dat Ätenkaken för de Offiziere kriegen. De letzt Kavallerieschlacht, bi de Pasewalker Kürassiere mitmakt hebben, is de so nömte Schlacht vun de sülwernen Helmen an den 12. August 1914 in Halen (Belgien). De „Slag der Zilveren Helmen“ is ein Teiken för dat Enn vun Pier in’n Iersten Weltkrieg.

Twüschen de Städten Halen un Pasewalk gifft dat ‘ne Partnerschaft. Dörch de beiden Geschichts- un Kürassiervereins is dat vör miehr as teihn Johren dortau kamen.

vörwards

Text: A.H.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Museum der Stadt Pasewalk - Künstlergedenkstätte Paul Holz

Museum der Stadt Pasewalk - Künstlergedenkstätte Paul Holz

Prenzlauer Str. 23
17309 Pasewalk


museum@pasewalk.de

www.pasewalk.de