Amtskett vun den Börgermeister (Wolgast)

1844, Sülwer,
dat  Etui is 50 cm breit

De Börgermeister vun Wolgast hett de Genehmigung krägen, sick ‘ne Amtskett as Amtsteiken maken tau laten un sei ok tau drägen, nahdem Schwed’sch-Pommern 1844 tau Prüßen dortaukamen wier. Dit besünner‘ Museumsstück besteiht ut ein Medaillon un de Kett ut 59 Lenken, de ‘ne Form hebben as’n Ei. In dat ünnelste Drüttdeil hett de Kett twei Reihgen. An de beiden Sieden vun dat Medaillon sitten Ranken, wo de Kett an fast makt is. Up de Achtersied sitt dat Relief vun dat Stadtwappen vun Wolgast.

Dor is ok de Ümschrift tau läsen in grote Baukstaben, de dörch lütte Tüdel verbunnen sünd: BUERGERMEISTER ZU WOLGAST. Up de Vördersied is de Siedenansicht vun den Kopp vun den König vun Prüßen tau seihn. Dor steiht de Ümschrift: FRIEDRICH WILHELM III GRÜNDER DER STAEDTEORDNUNG MDCCCVIII: Passig tau de Amtskett is dat schwattledderne Etui in so’n gediegen Schwung utführt. Binnen is dat mit blage Sied utkleed’t. Mit’n lütten Missingsch’knop kann’n dat taumaken.

Text: B. R.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Museen der Stadt Wolgast

Museen der Stadt Wolgast

Rathausplatz 6
17438 Wolgast


museum@wolgast.de

www.museum.wolgast.de