Glitschdiere (Mollusken) ut de Sammlung vun Herrmann vun Maltzan

Herrmann Frieherr vun Maltzan (1843–1891) is de jüngst Sœhn vun den Landrat Nicolaus Friedrich Rudolf vun Maltzan. Hei hett ‘ne musische Ader, œwer interessiert sick ok dull för de Diere un Planten vun siene Heimat Mäkelborg. Hei entdeckt denn ok, dat hei besünners giern wat weiten will œwer Conchylien (dat is de öllere Nam för Snicken un Muscheldiere). Hei fangt an, so‘ne Glitschdiere vun œwerall up de Welt tau sammeln. Disse Sammlung is fix so breit un wiertvull as de Sammlung ut dat Britisch‘ Naturkunnenmuseum. 

1866 stift‘ hei dat „vun Maltzahn‘sche Naturhistorisch‘ Museum“ in Waren. Dat is dat ierst Museum vun disse Oort in Mäkelborg un de Dören stahn apen för Lüüd, de sick för Natur interessieren, œwer ok för Forschers. Dat, wat vun Maltzan sammelt hett, is de Grundlag för de Naturhistorischen Lannessammlungen för Mäkelborg un Vörpommern in dat Müritzeum.

vörwards

Text: R. S.

gelesen von Norbert Schröder

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Müritzeum

Müritzeum

Zur Steinmole 1
17192 Waren (Müritz)

info@mueritzeum.de

www.mueritzeum.de/