Modell vun de Schaul Tessin

1964/65, 94 cm breit

De V. Parteidag vun de SED beschlött‘, dat vun nu an de Kinner ehre Allgemeinbillung in de polytechnischen Oberschaul kriegen, de 10 Klassen hett statts  blot 8 Klassen. In de Lüttstadt Tessin möten nich blot de Kinner ut Tessin, sünnern ok vun 8 Dörper ümtau ünnerricht‘ warden. De Niegbuug, de drei Etaschen hett, richt‘ sick dorbi nah de niegste Forschung, woans ‘ne Schaul buugt warden süll. Doran sallen sick de annern in den Bezirk Rostock ‘n Ogenspeigel nähmen. So ward dat Projekt de Schaultyp för all de 10-Klassen-Schaulen in‘n Bezirk. In de Afdeilung, wo de söß naturwissenschaftlichen Schaulstuben sünd, sünd de Schaulbänk‘ so anordnet, dat sei all üm ein Versorgungstrakt (Water, Gas, Strom) stahn.

Ut den Liehrplan vun de polytechnischen 10-Klassen-Schaul, Regierung vun de DDR, Ministerium för Volksbillung, Berlin 1959:

„De Allgemeinbildung un de Ünnerricht in de polytechnischen 10-Klassen-Oberschaul möt ein hohget Niveau hebben. Dadurch ward dat säker stellt, dat alle Schäulers väl liehren un koenen, wat sei anwennen koenen. Sei sallen sülwsstännig dat, wat in Natur un Gesellschaft üm ehr rüm is, verstahn un begriepen koenen. All de Ünnerricht sall dortau bidrägen, dat sick dat Denken un de geistigen Fähigkeiten un dat Koenen vun de Schäulers vun Johr tau Johr ümmer wieder entwickeln deit. Dortau sallen niege Methoden för Ünnerricht un Liehren anwennt‘ warden un de Ünnerricht fast mit dat Läben verbunnen sien.“

vörwards

Text: S. Ka.

Dit Utstellungsstück hüürt tau:

Mäkelborg-Vörpommern

Dat Originalutstellungsstück finnst du hier:

Landschulmuseum Göldenitz

Landschulmuseum Göldenitz

AFW Arbeitsförderungs- und Fortbildungswerk GmbH
Am See 7
18196 Göldenitz