Soltschäpel

Johannes Apengheter (so bi 1280–1352 rüm), Bronze, Rostock nah 1330

De Rostocker Soltschäpel is ein bedüüdend Bewies för de Maatgeschicht vun de Hanse. Tau de iersten Upgaven vun de Stadt un den Rat in ein Hansestadt hüürte de Upsicht oewer Gewarw un Markt. Dormit de Kööper nich oewern Läpel balbiert orren anschmeert warden, warden in de Stadt all de Maat ‘ne Norm gäben. Üm dat tau prüfen, gifft dat dat Eickmaat. De Soltschäpel is ein vun de Rostocker Maaten ut dat Middelöller, de hüüt noch oewer bläben sünd. Uphägt hebben sei dat in dat Heiligen-Geist-Hospital an’n Hoppenmarkt.

Erhollen hebben sick Kuurnschäpel, de wiesen, wo bedüüdend Rostock in’n Kuurnhannel wier, un ok Soltschäpel un Hoppenschäpel. De Inschriften wiesen wann de Schäpel enstahn is un wegge em makt hett. De Haberschäpel wiest den Mäkelborger Ossenkopp, de dunn dat Wapen vun Rostock wier. Ein Mönk  vun dat Hospital kreeg as Updrag  vun’n Rat, all de Schäpel tau eiken. Nah de Reformatschion kriggt disse Upgaaw „de Scheffelwröger“, de in’n Deinst vun de Stadt steiht. De Roggenschäpel hebben’s bet 1868 bruukt.

vörwards

Text: S. St.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Kulturhistorisches Museum Rostock

Kulturhistorisches Museum Rostock

Kloster zum Heiligen Kreuz
Klosterhof 7
18055 Rostock

kulturhistorisches.museum@rostock.de

www.kulturhistorisches-museum-rostock.de