Kann

Tinn, Rostock, 15. Johrhunnert

Disse Kann is’n raaret Exemplor ut Tinn. De hett’n 1903/04 bi dat Utbaggern vun de Utfohrt in de Warnow funnen bi ein Schippswrack, dat woll bi dat Utloopen nah Norwegen hen versapen is. De Kogge hett ok noch anner Ladung hatt un ok noch anner Tinn- un Messingsaken. De grötteren Kannen mit’n Buuk nömt’n siet de 1970er Johren „Hansekannen“, wiel de in de Gägend verbreit‘ wieren.

De Kannen sünd sick so ähnlich, dat’n rutkennen kann, dat de Gillen vun de Tinngeiters in  de Hansestädten sick gaud kennt un Erfohrungen uttuuscht hebben. 1361 hebben sei bi den Hansedag beschloten, dat de Kannengeiter de glieken Vörschriften  hebben. In dat 16. Johrhunnert spräken sick de Ämters ünner sick af. Kann angahn, dat de drummelige Kann dorför makt worn is, dat sei de up’n Schipp bruukt hebben, denn de breide Bodden un de deipe Schwerpunkt maken, dat de Kann nich so licht ümkappen kann.

vörwards

Text: S. St.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Kulturhistorisches Museum Rostock

Kulturhistorisches Museum Rostock

Kloster zum Heiligen Kreuz
Klosterhof 7
18055 Rostock

kulturhistorisches.museum@rostock.de

www.kulturhistorisches-museum-rostock.de