Grapen

Bronze, Rostock, 14./15. Johrhunnert

Dreibeinig Grapen sün Kakpötte. De Fäut maken, dat de Pott gaud steiht un so is dat mögelich, dat’n den Grapen direktemang in dat gläuhnig Füer rinsett. De Grapen mit twei Henkels kann’n mit’n Bögel an ein Haken anhangen un as Kettel bruuken. Dorin kann’n Brie, Grütt, Grapenbraden un „Potthast“ maken. Potthast is ein Mangkaaktäten ut Fleesch, Päper un anner Kruut. Disse Grapen ut Bronze stammt ut de Ladung vun dat „Rostocker Grapenschipp“. Dat is ‘ne Hansekogge, de woll bi dat Utloopen vun Rostock nah Norwegen hen versapen is. Dor hett’n 1903/04 bi dat Utbaggern vun de Utfohrt ok noch anner Saken funnen so as Hansekannen un anner Grapen.

Text: S. St.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Kulturhistorisches Museum Rostock

Kulturhistorisches Museum Rostock

Kloster zum Heiligen Kreuz
Klosterhof 7
18055 Rostock

kulturhistorisches.museum@rostock.de

www.kulturhistorisches-museum-rostock.de