Kultwagen vun Peckatel

Bronz ut‘n tiediget Bronzetiedhügelgraww, 1300 bet 1100 v. Chr., 38 cm hoch

De Wagen is ‘ne siehr schöne Handwarksarbeit ut de öllere, nuurdisch‘ Bronzetied. Wägen de polierten Bronz un wiel hei so blänkern deit, is hei ok bekannt worn ünner den Namen „De gollen Wagen vun Peckatel“. So is de Wagen ok in de Bäuker tau finnen. Disse lütten Wagens, de so utseihn as lütte Kessels up Roed‘, hebben de Lüüd för kultisch‘ Saken nahmen. Wat dat genau wier, weiten wi hüüt nich miehr. De Wagen wier bi ein Graww inkuhlt, dorüm kann dat angahn, dat dat ‘n Graww vun ein‘ Preister wier. De Wagen is woll in Böhmen makt.

Text: W. Ka.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Archäologisches Freilichtmuseum Groß Raden

Archäologisches Freilichtmuseum Groß Raden

Kastanienallee
19406 Groß Raden

gross-raden@archaeologie-mv.de

www.freilichtmuseum-gross-raden.de