Modell vun eine Badeschaluppe in dat Seebad Heiligendamm-Doberan üm 1794

45 cm lang

De Sensatschion in dat Johr 1794 sünd twei Schäpen tau’n Baden, nömt: Badeschaluppen. Sei sünd 8,70 m lang, 3,30 m breid un liggen so gaud ‘n halwen Meter in’t Water. In de Midd vun de Schalupp liggt ‘ne Bad’kabin‘. Dor trecken de Bad’gäst‘ sick de Kledaschen ut un denn kladdert de Mann orrer de Frau direktemang oewer ‘ne Trepp vun dor ut in ein Bad’kasten, de so 2 mal 1 Meter grot is. Disse Kasten kann denn höhger orrer deiper in’t Water laten warden. De Lüüd nömen disse Gitterkastens ok „Aalkastens“. Dat Baden bringt de Lüüd direktemang in den Kontakt mit dat frische Soltwater in de See.

För ‘n beten mastigere Lüüd is dat Baden in den Kasten nix. Ok, dat de Schalupp so dull schunkeln deit, makt, dat väle Bad’gäst‘ seekrank warden. De wullen denn nich noch eins up dat Bad’schipp stiegen.

vörwards

Text: S. R.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Stadt- und Bädermuseum Bad Doberan

Stadt- und Bädermuseum Bad Doberan

Möckelhaus, Stadt- und Bädermuseum
Beethovenstraße 8
18209 Bad Doberan

stadtmuseum@moeckelhaus.de

bad-doberan-heiligendamm.de/kultur-events/kulturhaeuser-museen/stadt-baedermuseum.html