Flassschwengel "Schwingelbrett"

Lobbe/Mönchgaud,
Holt mit Seilschipp un Huusmarke up.,
üm 1880, 44 cm hoch

De dröge un braken Flass ward dörch dat Schwingen – Schlahn – frie makt vun de Resten vun de Stängel. Allens, wat mit denn Flass tau daun harr, wier Frugensarbeit.

Dat Schwingelbrett wiest up beide Sieden ’n Rahschoner – ein Twei-Mast-Schoner mit Rahseils an. Dorünner is’n Sössstiernband inschnäden. An denn Griff is de Huusmarke vun Möchgaud tau seihn. So’ne Huusmarken kennteiken, wat tau ein Familie hüürt. Disse Huusmark wiest, dat dat Schwingelbrett ut denn Huusstand vun de Familie Looks ut Lobbe kümmt.Disse olle Familie lött sick in de Mönchgauder Familienchronik vun denn Liehrer Willy Dumrath trüch verfolgen bet in dat Johr 1574.

För de Halfinsel Mönchgaud wieren Flassschwingel typisch as Minnegaw.

Jungs un Mannslüüd makten disse Schwingelbräd’ för ehre Leiwsten. Jedet Brett gifft dat so blot einmal. Viegeliensch schmückt mit Ornamenten, Harten un inschnäden anner Saken. Väle sünd mit Motiven ut de Seefohrt. De Ritzen in dat Holt sünd utfüllt mit rod un gräun Wass.

vörwards

Text: E.M.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Mönchguter Museen

Mönchguter Museen

Thiessower Straße 7
18586 Ostseebad Göhren


museum@goehren-ruegen.de

www.goehren-ruegen.de