Helgolänner Hauf

Linnen, Hiddensee,
üm 1900, utbreit‘ 70 cm

Dat, wat’n up’n Kopp drägt, is in dat 19. Johrhunnert in wichtigen Deil vun de Kledaaschen. De Mannslüd drägen ‘ne lütte Fischermütz mit’n Troddel an un de Frugenslüd drägen Röck, de bet tau de Knöwels gahn un baben de Helgolänner Hauf. De sitt so in Form, wiel lütte Sticken inneiht sünd. Vun dor ut föllt de Hauf locker up de Schullern. De Hauf wüür giern bi de Arbeit dragen un wier gaud gägen Sünn un Wind. Disse Hauf hett Meta Gau dat Museum schenkt.

Dörch de Biller un Teiknungen vun Elisabeth Büchsel weiten wi, dat ok junge Dierns de Hauf bi väle Gelägenheiten dragen hebben.

In dat 19. Johrhunnert spennen un wäwen de Hiddenseer dat Dauk för ehre Kleeder sülfst. Meist is dat groff un in düster Farwen.

vörwards

Text: J.L.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Heimatmuseum Hiddensee

Heimatmuseum Hiddensee

Kirchweg 1
18565 Kloster / Hiddensee


kontakt@heimatmuseum-hiddensee.de

heimatmuseum-hiddensee.de