Gerhart Hauptmann: Bäuker

Gerhart Hauptmann,
Gabriel Schilling siene Flucht, 1912;
De Insel vun de grote Muder orrer dat Wunner vun Iles des Dames, 1924;
Vör Sünnenünnergang, 1935
(all: S. Fischer Verlag)

Dat Drama vun Gerhart Hauptmann "Gabriel Schilling siene Flucht" spält up Hiddensee un is up disse Oort ’n Andenken an de Insel, so as sei fröher mal west is. Dat Stück vertellt ok oewer Hauptmann sülwst un is autobiographisch. De Idee, dat hei sien Gräffnis up Hiddensee hebben will, kümmt hier ok dat ierste Mal tau Sprak. Na, ne schönere Städ, as hier, üm begrawen tau warden, gifft’ ja woll nich (…) Keine Automobilbuss, kein Stratenbahnwagens, ümmer blot de lütten, rönnenden, springenden Sandküürnings! Frischer, gesunder, Natter Storm! De schöne Salut vun de See Oewer denn Graffhügel. Mit "De Insel vun de groten Mudder" spält Hauptmann denn Dalgang vun de Zivilisatschion dörch un dat denn ’ne Frugensherrschaft upbuugt ward.

Later hett hei mal tau einen vun de, de sien Läben upschräben hebben, seggt, dat hei dit Bauk woll nich schräben harr, wenn hei nich up Hiddensee väle Johren de välen, bannig schmucken, ofteins nakichten Frugensliewer seihn harr un taukäken, woans sei sik so hebben. Hauptmann meint dat Nakichtbaden, wat dor ümme keinein stüürt hett. Dat Stück "Vor Sünnenünnergang" wier Hauptmann sien letzten internatschionalen Theatererfolg. Dat hett hei 1935 in miehrere Fatungen in sien Sommerhuus up Hiddensee schräben. 

vörwards

Text: F. P.

Dit Utstellungsstück hüürt tau:

Vörpommern bet 1945

Dat Originalutstellungsstück finnst du hier:

Gerhart-Hauptmann-Haus / Gerhart-Hauptmann-Stiftung

Gerhart-Hauptmann-Haus / Gerhart-Hauptmann-Stiftung

Kirchweg 13
18565 Kloster auf Hiddensee


info@hauptmannhaus.de

www.hauptmannhaus.de