Ernst Barlach, Dat Wedderseihn (Christus un Thomas)

Ernst Barlach (1870-1938), Dat Wedderseihn (Christus un Thomas), 1926, Stukko, holtfarben infarwt, för dat Archiv 1939 vun dat Holt afformt, 90 cm hoch

Bi Barlach siene Warke finnt’n ümmer wedder wat ut dat Olle un Niege Testament. Hei seggt oewer, dat hei „dat Empfinden för Kirch un Gemeinschaft, dat ‘ne Plicht is, nich hett wägen religiöse Grünn, sünnern vun Natur ut“ (1932). De Anfang vun disse Begegnung, de hei dorstellt, is de Begäbenheit ut dat Johannesevangelium 20, 24-29, wo Thomas den Christus dröppt, de wedder upstahn is. Vun dat Middelöller an gifft dat väle Dorstellungen vun dissen Ogenblick in de christlichen Ikonographie. Dat gifft oewer ok Vörbiller in de Druckgraphik ut de niege Tied. Dortau hüürt de Begägnung vun Maria un Elisabeth, de tau‘n Bispill dorstellt is vun Albrecht Dürer in den Holtschnitt De Heimsäukung vun 1503/04.

De Holtskulptur vun Barlach Dat Wedderseihn köfft dat Lannesmuseum Schwerin. Dor ward de Figur 1933 ut de Utstellung nahmen un in‘t Magazin bröcht. Bi de Beschlagnahmeaktion „entartete Kunst“ trecken de Nationalsozialisten de Figurengrupp 1937 in un bringen ehr nah Berlin in ein Depot. Barlach sien Sekretär un Hülpsmann Bernhard A. Böhmer (1892-1945) köfft as Kunstkoopmann de Figur trüch un lött för‘t Archiv den Abguss in Stukko maken un dat so anmalen, dat dat so utsüht as Holt. De Holtskulptur verköfft hei an den Fabrikanten un Kunstsammler Hermann F. Reemtsma nah Hamborg. Hüüt is sei door dat wichtigst Wark vun Barlach in dat Ernst-Barlach-Huus.

vörwards

Text: V. P.

Dit Utstellungsstück hüürt tau:

Mäkelborg bet 1945

Dat Originalutstellungsstück finnst du hier:

Ernst Barlach Stiftung Güstrow

Ernst Barlach Stiftung Güstrow

Heidberg 15
18273 Barlachstadt Güstrow

office@barlach-stiftung.de

www.ernst-barlach-stiftung.de